Bless 2G og 3G, halló framtíð!
Segjum halló við framtíðina!
Við viljum alltaf vera fyrst inn í framtíðina og bjóða viðskiptavinum okkar að vera með. Búið er að slökkva á 2G og nú er 3G á útleið víðsvegar um landið til að gera pláss fyrir framtíðina. Ekki örvænta, því í staðinn kemur 4G sem er betri kostur í símtölum og netnotkun.
Bless 2G og 3G!
Hvað nákvæmlega er að fara að gerast?
Slökkt á 2G og 3G
Þú þarft ekki að örvænta því 4G sér um að símtölin skili sér! Við erum byrjuð að slökkva á ákveðnum svæðum í skrefum. Nú þegar hefur verið slökkt á 2G og við munum slökkva á 3G í lok árs 2025.
Öll fjarskiptafélög taka þátt!
Þegar við slökkvum á 2G og 3G þá erum við að fylgja þróun á heimsvísu sem miðar að því að fasa út úrelta tækni og halda áfram að byggja ofan á eitthvað nýtt og spennandi! Öll fjarskiptafélög á Íslandi taka þátt í þessu verkefni!
Þarf ég að gera eitthvað?
Við hvetjum öll með þjónustu hjá Nova að fara vel yfir stillingar í græjunum sínum og þeim tækjum sem nota 2G og 3G net. Dæmi um lausnir sem þarf að athuga sérstaklega eru krakkaúr, öryggiskerfi og veghlið sem styðja ekki við 4G VoLTE.