Gleðilega játíð!
Í dag fögnum við og höldum gleðilega JÁtíð!
Viðskiptavinir Nova eru ánægðustu viðskiptavinirnir með heimanet og farsíma, 14. árið í röð samkvæmt niðurstöðum Íslensku ánægjuvogarinnar. Nova er eina fyrirtækið í sögu Íslensku ánægjuvogarinnar sem hefur unnið 14. ár í röð með marktækum mun. Það gefur okkur aukin kraft til þess að gera betur og læra ný dansspor sem nýtast í framtíðinni!
Við erum stolt, titrandi tilfinningasöm og tjúttandi takklát fyrir viðskiptavini Nova, fyrir að vera hjá okkur og vera ánægðustu viðskiptavinir á landinu.
Við tökum þessari viðurkenningu fagnandi, en aldrei sjálfsagðri, og að baki liggur samheldni, keppnisskap, liðsheild og skýr markmið ásamt dassi af gleði, stuði og síðast en ekki síst toppþjónustu.
Markmiðið er alltaf að gera betur og halda gleðinni gangandi og það getum við ekki gert án þín og við tökum öllum ábendingum hvernig við getum gert þig ánægðari fagnandi með konfetti og partýi og hvetjum þig til að heyra í okkur!
Viðskiptavinir frá alltaf besta dílinn sem er í boði. Fríðindaklúbbur Nova - FyrirÞig er einn sá besti á landinu og þar er hægt að tryggja að fá sem mest fyrir krónurnar með 2F1, FríttStöff, MatarKlipp og BíóKlipp. Svo má ekki gleyma öllum snilldar tækninýjungunum eins og eSIM, VoWiFi, 5G, Úrlausn og NovaTV.
Íslenska ánægjuvogin er félag í eigu Stjórnvísi og er framkvæmd í höndum Prósent rannsókna. Ánægjuvogin er ein yfirgripsmesta og marktækasta mælingin á ánægju viðskiptavina en einnig öðrum þáttum sem hafa áhrif á hana s.s. ímynd, mat á gæðum og tryggð viðskiptavina. Nánari upplýsingar um Íslensku Ánægjuvogina má finna á stjornvisi.is
