Nova ❤️ Geðrækt!
Samfélagslegt fótspor Nova er fyrst og fremst vegna ofnotkunar og óábyrgrar notkunar á snjallsímum og samfélagsmiðlum. Geðræktarvegferð Nova er margþætt langtímaverkefni. Herferðin sem við setjum nú í loftið er nýjasti hluti þess ferðalags. Við viljum minna okkur öll á að veröldin er betri ef við elskum bara hvert annað.
Játími!
Farsíminn og internetið eru nauðsynleg tæki en óhófleg notkun á sér dimmari hliðar, eins og með margt annað. Græjurnar eiga nefnilega að einfalda okkur lífið og gera það skemmtilegra, en þeir eiga ekki að taka það yfir! Nú er komið að Játíma, en það er einfaldlega okkar svar við óhóflegum skjátíma. Eins og gamla góða tuggan segir: Allt er gott í hófi! Við viljum hvetja fólk til þess að vera meðvitað um skjátímann, skrun á samfélagsmiðlum og sjónvarpsgláp. Í staðinn fyrir að stara á símann eða tölvuskjáinn er bæði hægt að kíkja inná við eða fara út að leika með vinum og fjölskyldu.
Breytum skjátíma í játíma!
Þó skjánotkun og tölvuleikir geti verið ógnvekjandi, þá eru fullt af jákvæðum hliðum á tölvuleikjum og rafíþróttum og fræðsla fyrir foreldra auðveldar okkur að sjá þá.
Gerum okkur dagamun!
Í nóvember dynja á okkur misvelkomnir markaðsdagar sem við þurfum kannski síst á að halda í skammdeginu. Við hjá Nova ákváðum því að hressa upp á nokkra dimma nóvemberdaga til að minna á ólíkar hliðar geðræktar og hvetja fólk til að skora á skammdegið. Mætum frekar í geðræktina en á útsöluna.
Borðum-pylsu-með-sinnepinu-undir-dagurinn!
Við breytum til og gerum hlutina öðruvísi en við erum vön. Það er hollt að flexa breytingavöðvann af og til. Þannig lærum við betur inn á okkur sjálf. Gerum okkur dagamun, borðum pylsu með sinnepinu undir og mætum í geðræktina! Í tilefni dagsins buðum við upp á pylsu á Bæjarins Beztu í FríttStöff í Nova appinu.
Gerum-það-frekar-á-morgun-dagurinn!
Nú hægjum við á lífinu og hugum vel að okkur sjálfum. Sjálfsumhyggja minnkar streitu og endurstillir okkur andlega. Þannig mætum við orkumeiri til leiks daginn eftir. Gerum okkur dagamun, frestum hlutunum til morguns og mætum í geðræktina!
Hlustum-af-áhuga-þegar-einhver-segir-frá-draumi-dagurinn!
Þennan dag stundum við virka hlustun. Hún eykur skilning, byggir upp traust og skilar sér í jákvæðari upplifun hjá báðum aðilum. Gerum okkur dagamun, hlustum af áhuga þegar einhver segir frá draumi og mætum í geðræktina! Í tilefni dagsins buðum við upp á frítt námskeið hjá Akademias sem fjallar um Samskipti og samræður.
Heyrum-í-foreldrum-okkar-án-þess-að-biðja-um-neitt-dagurinn!
Þennan dag ætlum við að rækta sambandið við okkar nánustu. Innihaldsrík samtöl hjálpa okkur að dýpka tengsl og vinna betur úr vandamálum. Gerum okkur dagamun, heyrum í foreldrum okkar án þess að biðja um neitt og mætum í geðræktina!
Dagur þrígiftra!
Þennan dag viðurkennum við að stundum þurfum við bara að byrja upp á nýtt. Mistök eru eðlilegur hluti af lífinu sem ætti ekki að hræðast heldur fagna og læra af. Gerum okkur dagamun, lærum af lífinu og mætum í geðræktina! Í tilefni dagsins gaf Viss fyrsta mánuðin frían þegar keypt er trygging með nýjum símum! Það er nefnilega hægt að tryggja sig fyrir sumum mistökum!
Lærum-að-meta-líkamshluta-sem-við-hötum-smá-dagurinn!
Þennan dag iðkum við sjálfsást. Þennan dag sættumst við við okkur nákvæmlega eins og við erum. Þennan dag fögnum við útstæðum nafla og ögn skökkum baugfingri. Því þennan dag er Lærum-að-meta-líkamshluta- sem-við-hötum-smá-dagurinn! Í tilefni dagsins fékkstu frítt í sund í Laugardalslaug og Sundlaug Akureyrar gegn því að sýna sundmiðann í Nova appinu. Gerum okkur dagamun og mætum í geðræktina!
Dansaðu-í-kringum-tré-sem-er-alls-ekki-jólatré-dagurinn!
Þennan dag ætlum við að taka lífinu passlega alvarlega. Þennan dag ætlum við að finna leikgleðina. Þennan dag bjóðum við ókunnugu birkitré upp í dans. Því þennan dag er Dansaðu-í-kringum-tré-sem-er-alls-ekki-jólatré-dagurinn! Prófaðu að skilja símann eftir heima með Úrlausn hjá Nova og farðu frekar bara eitthvað út að leika! Gerum okkur dagamun og mætum í geðræktina!
Dagur erlendrar tungu!
Þennan dag fögnum við fjölmenningu og upplifum allt það jákvæða frá ólíkum menningarheimum. Opinn hugur auðveldar okkur að læra nýja hluti, öðlast innsýn og upplifa nýja spennandi hluti. Í tilefni dagsins fékkstu sleikjó í FríttStöff í öllum verslunum Nova! Gerum okkur dagamun, víkkum sjóndeildarhringinn og mætum í geðræktina!
Skilum-dóti-sem-við-fengum-lánað-dagurinn!
Þennan dag klárum við málin sem hafa setið á hakanum hjá okkur. Það er frábær tilfinning að klára eitthvað af. Að skila einhverju er líka frábær afsökun til að kíkja í kaffi til vinar. Gerum okkur dagamun, skilum dóti sem við fengum lánað og mætum í geðræktina!
Tökum-papparör-í-sátt-dagurinn!
Þennan dag hættum við að tuða yfir því sem skiptir engu máli. Jákvætt viðhorf hjálpar okkur að takast á við stress og getur styrkt ónæmiskerfið. Í tilefni dagsins var Kókómjólk með papparöri í FríttStöff í öllum verslunum Nova! Gerum okkur dagamun, tökum papparör í sátt og mætum í geðræktina!
Klárum-bókina-sem-er-ennþá-á-náttborðinu-dagurinn!
Þennan dag ætlum við að muna að skjátími og háttatími fara ekki saman. Góður svefn bætir geðheilsuna en blátt ljós frá skjám minnkar svefngæði. Góð bók er skrolli betri. Gerum okkur dagamun, klárum bókina sem er ennþá á náttborðinu og mætum í geðræktina!
Elskum öll!
Á tímum þar sem við höfum aldrei haft það jafn gott þá höfum við aldrei verið jafn sundruð. Aldrei verið jafn ósammála. Aldrei verið jafn tortryggin í garð hópa sem við þekkjum ekki eða skiljum. Hvaðan sem við komum eða fæðumst, hvernig sem við erum á litin eða í laginu, hvort við erum hinsegin eða kynsegin eða hvort við erum með einn fót eða tvo þá eigum við öll þennan heim saman. Við eigum öll skilið að elska og vera elskuð skilyrðislaust – án fordóma og haturs. Elskum öll hvert annað.
Elskaðu upphátt!
Öll viljum við það sama - að elska og vera elskuð. Skrifaðu nafnið á þeim sem þú elskar á ástarvefinn ásamt þínu eigin. Þá sýnið þið ástina á skiltum um alla borgina!
Elskum öll í FríttStöff!
Fordómar eru bara fáfræði. Þess vegna bjóðum við upp á fræðslu í FríttStöff. Hvernig er að vera íslendingur af erlendum uppruna? Hvernig á ég að nota persónufornöfn rétt? Hvernig mætir samfélagið fólki með fötlun?
Númerakerfi sem elskar!
Það má ekki gleyma að litlu hlutirnir skipta líka máli. Litlir miðar með stór skilaboð sem minna þig á það sem skiptir máli, á meðan þú hinkrar í verslunum Nova. Ástin er alltaf fremst í röðinni!
Fermingarkort sem elska!
Við hönnuðum fermingarkort fyrir öll ótrúlegu og trúlegu fermingarbörnin. Það breytir engu hvort þú trúir á vísindi, guðlegar verur eða bara þig. Við höfum fulla trú á þér.
Elskaðu þig!
Herferðin "Elskaðu þig" beindi athyglinni að sjálfsvirðingu, því hún er alls ekki sjálfsögð. Það má segja að þú sért eina manneskjan sem fylgir þér alla ævina. Þú situr uppi með þig. Frá upphafi til enda. Þannig að það er eins gott að hafa gaman, kynnast sér betur og njóta sín. Draga fram kostina, sætta sig við gallana, hjálpa sér og hrósa. Við megum alveg vera góð við okkur. Dekra og elska okkur sjálf. Þá fyrst getum við farið að elska fólkið í kringum okkur. Þú fylgir þér alla ævi. Njóttu þess. Elskaðu þig. Fyrir þig.
2F1 af sálfræðitímum
Nova bauð upp á 2 fyrir 1 tilboð af sálfræðiþjónustu sem hægt var að nálgast í gegnum Nova appið. Þar bauðst fólki að fá sálfræðitíma hjá Mín líðan á 7.990 kr. Tímarnir fóru fram á netinu svo viðskiptavinir Nova gátu sótt þessa þjónustu, algjörlega óháð búsetu.
Speglaskúlptúrinn
Hvenær kíktir þú síðast í spegil og bara naust þess að skoða þig og dást að þér? Við smíðuðum spegil af stærri gerðinni og sendum hann á flakk um Reykjavík. Þannig gat fólk fengið sér sæti og átt smá stund með sjálfu sér.
Fríðindi FyrirÞig
Gerðu eitthvað til að ögra þér, kynnast þér, opna þig, hvíla þig og auðvitað elska þig. FyrirÞig hjá Nova geymir öll bestu fríðindin í Nova appinu. Þar finnur þú nefnilega ævintýraleg 2F1 tilboð, FríttStöff sem kostar ekki krónu, MatarKlipp sem gerir daginn girnilegri og allskonar geðgóð glæsilegheit. Allt þetta fyrir þig.
Allir úr!
Herferðin „Allir Úr“ hvatti fólk til að skilja símann eftir heima. Við kynntum til leiks nettengd snjallúr með Úrlausn hjá Nova sem er frábær leið til að minnka skjátíma. Auglýsingin var einnig ádeila á óraunhæfar staðalímyndir sem birtast okkur á skjánum og það var hrópað húrra fyrir líkamsvirðingu. Samfélagsmiðlarnir taka nefnilega mikið af okkar tíma og það er óþægilega auðvelt að týnast í tímalínunni hjá hinum og þessum.
Alvöru fólk í auglýsingum
Í Allir úr herferðinni komum við öll fram eins og við erum klædd. Eða óklædd. Fólk af öllum stærðum og gerðum kom nakið fram og sýndi fram á að við höfum ekkert til að skammast okkar fyrir og ekkert að fela. Allir úr!
Geðgóðar vörur
Við settum saman vöruval þar sem áherslan var lögð á geðgóðar vörur sem hægt er að njóta með fjölskyldu og vinum. Leggjum frá okkur símann!
Út að leika með úrlausn
Við kynntum til leiks nettengd snjallúr með Úrlausn hjá Nova sem er frábær leið til að minnka skjátíma og rauðu deplana, en hafa samt möguleikann á að hringja og móttaka símtöl þegar nauðsyn krefur.
Vertu á staðnum!
Fyrsta herferðin setti fókusinn á meðvitaða notkun á netinu og snjalltækjunum. Það getur verið mjög auðvelt að týnast í tímalínunni, en þá er mikilvægt að muna eftir því að líta upp frá skjánum og finna frelsið sem fylgir lífi án rauðu deplanna. Snjalltækin eiga að einfalda lífið, en ekki taka það yfir. Finndu þitt jafnvægi, taktu skjáhvíld við og við og upplifðu fullkomið sím–zen. Vertu á staðnum!
Lokað í verslunum
Verslunum Nova var lokað á sunnudögum, enda eru sunnudagar LOGGÁT dagar, og við hvöttum starfsfólk og viðskiptavini til að njóta dagsins með sínu fólki.
Spjallspjöld
Spjallspjöld voru afhent veitingastöðum þar sem fólk gat lagt frá sér símana, spjallað og kynnst hvoru öðru á gamla góða mátann.
Vekjaraklukkur
Vekjaraklukkur fylgdu með farsímum svo fólk gæti minnkað áreitið, sleppt því að hafa símana á náttborðunum og notið betri nætursvefns.
Rannsókn
Nova tók þátt í að rannsaka skjáfíkn og áhrif samfélagsmiðla á andlega líðan. Niðurstöður rannsóknarinnar voru færðar Hugrúnu, geðfræðslufélagi á vegum Háskóla Íslands.